“კლინიკა ბომონდი”-ს კოვიდცენტრში გასული 24 საათის განმავლობაში 5 ახალშობილი დაიბადა. ჩვილები კოვიდცენტრის სამეანო-გინეკოლოგიურ განყოფილებაში მოთავსებულმა ინფიცირებულმა ორსულებმა გააჩინეს. ხუთივე ჩვილი ჯანმრთელია.
განყოფილებაში 6 ორსულის და მელოგინის გამოჯანმრთელებას ელოდებიან. იმ შემთხვევაში, თუ მათთვის ჩატარებული ლაბორატორიული კვლევა ვირუსის არსებობას არ დაადასტურებს, ორსულები და მელოგინეები კოვიდცენტრს დატოვებენ.
“5 სამეანო შემთხვევა გვქონდა და ყველა შემთხვევა კარგად დასრულდა. ამ დროისთვის კოვიდცენტრში მკურნალობის კურსს 40 ორსული გადის. მათი ჯანმრთელობის ზოგადო მდგომარეობა დამაკმაყოფილებელია,”-ამბობს “კლინიკა ბომონდი”-ს კოვიდცენტრის მეან-გინეკოლოგი გიორგი სხილაძე.
