ქუთაისის საეკლესიო საავადმყოფო "ქსენონის"მენეჯერის მაგდა კოსტავას თქმით, სამედიცინო დაწესებულებაში თავისუფალი ადგილი არ აქვთ, როგორც კი ვინმე ეწერება მალევე ხდება მისი სხვა პაციენტით ჩანაცვლება.
,,ჩვენთან მკურნალობას 74 კოვიდინფიცირებული პაციენტი გადის, აქედან 14 რეანიმაციულ განყოფილებშია მოთავსებული. დანარჩენები თერაპიულ განყოფილებაში იმყოფებიან, მათი 80 % ჟანგბადდამოკიდებულია. დღევანდელი მდგომარეობა რომ შევაფასო, მომართვიანობა არ შემცირებულა, თავისუფალი ადგილი არ გვაქვს, თავისუფლდება თუ არა , იქვე ხდება ჩანაცვლება სხვა პაციენტით.“-აცხადებს მაგდა კოსტავა.
