ხვალ ,4 აპრილს, თბილისში პოლიტიკოს გოგი წულაიას მხარდასაჭერი მორიგი აქცია გაიმართება.

ამჯერად აქცია ორთაჭალაში,პროკურატურასთან არის დაგეგმილი.მხარდამჭერების შეკრება 14:30 წუთიდან დაიწყება.

თარიღი 2007 წლის 18 დეკემბრის გაეროს გენერალური ასამბლეის გადაწყვეტილებით დაწესდა. აუტიზმის ცნობადობის ამაღლების მსოფლიო დღე რეაბილიტაციის ცენტრის ნაიოს მიერ ორგანიზებული ღონისძიებით აღინიშნა, აუტისტური სპექტრის მქონე პატარებისთვის გასართობი აქტივობები მოეწყო, ღონისძიებას ადგილობრივი თვითმმართელობის წარმომადგენლებიც დაესწრნენ.

გარემოს ეროვნული სააგენტო უახლოესი დღეების ამინდის პროგნოზს ავრცელებს.

3 აპრილის დილამდე საქართველოში მოსალოდნელია დროგამოშვებით ნალექიანი ამინდი. ზოგან იქროლებს დასავლეთის მიმართულების ქარი. ჰაერის ტემპერატურა დასავლეთ საქართველოში +10, +15, აღმოსავლეთ საქართველოში კი +13, +18 გრადუსია მოსალოდნელი.

პოლიტიკოსი გოგი წულაია შიმშილობას წყვეტს.  ინფორმაცია ადვოკატმა ვალერი გელბახიანმა დაადასტურა.ადვოკატი ამბობს, რომ პოლიტიკოსისგან აქვს პირობა, რომ კვებას დაიწყებს და შიმშილობას აღარ გააგრძელებს. წულაია კვლავ ციხის საავადმყოფოში იმყოფება, ამჟამად მისი მდგომარეობა სტაბილურია და  გადასხმები უკეთდება. .

რაც შეეხება საქმის სამართლებრივ ნაწილს, ადვოკატის განცხადებით, მათ სახელმწიფო ინსპექტორის და ასვე სახალხო დამცველის აპარატს მიმართეს, რომ შეფასდეს,  თუ რა დარღვევებს ქონდა ადგილი პოლიტიკოსის დაკავებისას.

რიკოთის საუღელტეხილო გზაზე ხიდებისა და გვირაბების მშენებლობა აქტიურად გრძელდება. ამ დროისთვის, სამშენებლო სამუშაო რიკოთის საუღელტეხილო გზის ჩუმათელეთი-ხევის 11.6 კმ-იან, ხევი-უბისას 12.2 კმ-იან, უბისა-შორაპანის 13 კმ-იან და შორაპანი-არგვეთას 14.7 მონაკვეთებზე მიმდინარეობს.

,,ორივე მხარემ უნდა დაახლოვოს ერთმანეთთან თავისი ხედვები,,-ასე აფასებს ,,სამართლიანი არჩევნების,, აღმასრულებელი დირექტორი ნინო დოლიძე ხელისუფლებასა და ოპოზიციას შორის მიმდინარე მოლაპარაკების პროცესს. განცხადება ნინო დოლიძემ ქუთაისში ყოფნისას გააკეთა.

,,წუხელ გვიან ღამით ევროპარლამენტრებმა გააკეთეს განცხადება და თქვეს, რომ სასწორზე დგას საქართველი-ევროკავშირის ურთიერთობები.ასევე ისაუბრეს, რომ პასუხისმგებლობა ხელისუფლებაზეა ამ მოლაპარაკებების ჩაშლის, თუმცა ორივე მხარეზე იყო საუბარი, რომ ორივე მხარემ არ მოისურვა შეთანხმება, მაგრამ რადგან ხელისუფლება არის ახლა მთავარი,სწორედ მათზე არის ეს პასუხისმგებლობა.ამის ფონზე ის განცხადებები, რომელსაც ხელისუფლება აკეთებს, რომ ისინი გადაჭრით უარს ამბობენ , არ არის ჩვენი ქვეყნისთვის კარგი, პირიქით, ორივე მხარემ უნდა დაახლოვოს ერთმანეთთან თავისი ხედვები, იმისთვის, რომ როგორმე ეს კრიზისი გადაიჭრას და ქვეყანა წინ წავიდეს.,,-განაცხადა ნინო დოლიძემ