იმერეთში სახელმწიფო რწმუნებულმა ზვიად შალამბერიძემ ხელისუფლების წარმომადგენლებთან ერთად, საქართველოს ეროვნული გმირის მერაბ კოსტავას ძეგლი გვირგვინით შეამკო. 

 

,,ვულოცავ იმერეთს და მთელს საქართველოს ჩვენი ქვეყნის დამოუკიდებლობის დღეს. საქართველოს თავისუფლება და დამოუკიდებლობა არის ის, რისი ფასიც ყველაზე კარგად ვიცით ქართველებმა, ის რისთვისაც საუკუნეების განმავლობაში იბრძოდნენ ჩვენი თაობები და სწირავდნენ თავს. ეს ყველას ძალიან კარგად უნდა გვახსოვდეს და სწორედ ასეთი განწყობით უნდა გავაგრძელოთ ჩვენი სამშობლოს  აღმშენებლობა და იმ ერთიანი მიზნისკენ სწრაფვა, რომელიც არის ჩვენი ქვეყნის თავისუფლება, ჩვენი ქვეყნის დამოუკიდებლობა და წარმატება“ - ზვიად შალამბერიძე.

 

ღონისძიების ფარგლებში ფალიაშვილის ქუჩაზე საქართველოს დამოუკიდებლობის დღის აღსანიშნავად  III ქვეითი ბრიგადის ბაზაზე არსებული სპეც. ტექნიკის გამოფენა მოეწყო.   

 

ცენტრალურ ბულვარში საქართველოს მთავრობის ორგანიზებით, გარემოს დაცვისა და სოფლის მეურნეობის სამინისტროს დაცული ტერიტორიების სააგენტომ, მისულ სტუმრებს შემეცნებით-გასართობი აქტივობები შეთავაზა.  სპეციალურად მოწყობილ მრავალფეროვან სივრცეებში დაინტერესებული პირები ეცნობოდნენ ინფორმაციას საქართველოს დაცული ტერიტორიების შესახებ, მათ შორის, იმერეთის რეგიონში მდებარე ყველასათვის საყვარელი პრომეთეს მღვიმეს, სათაფლიას, თეთრა მღვიმეს შესახებ. ასევე, წარმოდგენილი იყო უნიკალური დაცული ტერიტორიების სივრცეები, სადაც მსურველებს ქონდათ საშუალება ვირტუალურად ემოგზაურათ.

 

საქართველოს დამოუკიდებლობისადმი მიძღვნილ ღონისძიებებს გარემოს დაცვისა და სოფლის მეურნეობის მინისტრის მოადგილე იური ნოზაძე ესწრებოდა. 

 

ცენტრალურ ბულვარში წარმოდგენილი იყო  ,,საქართველოს ფოსტის“ სტენდი. ასევე, დღის მანძილზე მიმდებარე ტერიტორიაზე იმართება  მუსიკალური და თეატრალური წარმოდგენები.

 

17:10 საათზე, ზუსტად იმ დროს, როდესაც 1918 წელს საქართველოს დამოუკიდებლობა გამოცხადდა, საქართველოს ეროვნული ჰიმნი შესრულდება. 

 

საზეიმო ღონისძიებები თემურ თათარაშვილის, რუსა მორჩილაძის და ჯგუფის „ოჩოს ქოხი” კონცერტით დასრულდება.

ქუთაისი დამოუკიდებლობის დღის აღსანიშნავად ემზადება.სადღესასწაული პროგრამა ხვალ,დღის 14:00 საათზე დაიწყება.ღონისძიებები ცენტრალურ ბულვარში გაიმართება. 

 

✨ ️14:00-16:00 -  კოსტიუმირებული მსახიობების და ორკესტრის მსვლელობა.

 

✨ ️14:00-18:00 -  სამხედრო ტექნიკის გამოფენა .

 

✨ ️14:00-18:00 -  საბავშვო სივრცე: თამაშები, მასტერკლასები და   სუვენირების დამზადება .

 

✨ ️14:00-15:00 - ადგილობრივი შემსრულებლების კონცერტი :

 

ინდირა ჯგერნაიას სტუდია ,,ინდოსტუდიო", ნანა იამანიძის და ნუკრი კარკაძის ,,არტსტუდია", ბექა ბანძელაძის სტუდია „იმერეთის ხმა“, მ.ბალანჩივაძის სახელობის ცენტრალური სამუსიკო სასწავლებლის ფოლკლორული ანსამბლი ,,ნაი-ნაი", ხელმძღვანელი ქეთევან ბანცაძე, მ.ბალანჩივაძის სახელობის ცენტრალური სამუსიკო სასწავლებლის ბავშვთა გუნდი - ხელმძღვანელი ნათია გოგუაძე, კონცერტმაისტერი კესო ზვიადაძე, ქუთაისის კულტურულ, სახელოვნებო, საგანმანათლებლო დაწესებულებათა გაერთიანების შერეული კამერული გუნდი.

 

✨️ 16:00-17:00 - რუსა მორჩილაძე, თემურ თათარაშვილი,  ინდირა ჯგერნაია,  გიორგი ელიზბარაშვილი, ჯგუფი „ალეგრო“.

 

✨️ 17:10 - საქართველოს დამოუკიდებლობის გამოცხადების ისტორიული დრო  - საზეიმო აღნიშვნა.

 

✨️ 17:20 - ჯგუფი „ოჩოს ქოხი“.

 

აღნიშნულ საქმეზე გამოძიება განათლების სამინისტროს შიდა აუდიტის მიერ ჩატარებული შემოწმების საფუძველზე დაიწყო, რომლის მიხედვითაც შესაძლოა ადგილი ჰქონოდა სკოლის კუთვნილი თანხების მითვისების ფაქტს.  

 

ჩატარებული გამოძიების შედეგად დადგინდა, რომ ბრალდებულმა, რომელსაც ეკისრებოდა პასუხისმგებლობა სკოლის ფინანსების სწორ და მიზნობრივ ხარჯვაზე, არაჯეროვნად შეასრულა სამსახურებრივი მოვალეობა. მან არ დააწესა სათანადო კონტროლი და მონიტორინგი სკოლის საბანკო ანგარიშიდან განხორციელებულ ტრანზაქციებზე, რამაც შესაძლებლობა მისცა დაწესებულების ბუღალტერს უკანონოდ მიეთვისებინა 57758 ლარი.

 

საზოგადოებას შევახსენებთ, რომ ამავე სკოლის ბუღალტერი, რომელიც პარალელურად იყო ქუთაისის №22 საჯარო სკოლის ბუღალტერიც, ორივე სკოლიდან დიდი ოდენობით თანხის მითვისებისთვის მიცემულია სისხლისსამართლებრივ პასუხისგებაში. ასევე, სისხლისსამართლებრივ პასუხისგებაში სამსახურეობრივი გულგრილობის ფაქტზე მიცემულია ქუთაისის №22 საჯარო სკოლის დირექტორიც. ორივე ბრალდებულის მიმართ საქმეები არსებითად იხილება სასამართლოში.

 

,,ქუთაისის,   სოფელ ფარცხანაყანევისა და მიმდებარე სოფლების 52 000-მდე აბონენტს, ძველი ქსელის ჩაჭრითი სამუშაოების გამო, 25 მაისის 01:00 საათიდან 25 მაისის 23:30 საათამდე წყალმომარაგება შეუწყდება. 

დამატებითი ინფორმაცია და კონკრეტული ქუჩების ჩამონათვალი შეგიძლიათ იხილოთ საიტზე: www.water.gov.ge 

24 საათიან რეჟიმში მუშაობს კომპანიის ცხელი ხაზი: 032 293 00 00,,-გაერთიანებული წყალმომარაგების კომპანია. 

 ინფორმაციას ქუთაისის მერია ავრცელებს. 

 

საქართველოს დამოუკიდებლობის დღისადმი მიძღვნილი ღონისძიებების  გამო, 25 მაისის 23:00 საათიდან 26  მაისის 20:00 საათამდე ,  ავტოტრანსპორტის მოძრაობა დროებით შეწყდება აღმაშენებლის (ცენტრალურ) მოედანსა და  ფალიაშვილის ქუჩაზე, კოლუმბია-მისურის ქუჩის კვეთიდან წმინდა ნინოს ქუჩის კვეთამდე.

 

შესაბამისად, ქუთაისის სატრანსპორტო კომპანიის კუთვნილი მუნიციპალური ტრანსპორტი, ნაცვლად დადგენილი სვლაგეზებისა, იმოძრავებს შემდეგი მარშრუტით:

 

 N 1L, N 4 და N 5 სატრანსპორტო საშუალებები, ნაცვლად აღმაშენებლის მოედნისა და ფალიაშვილის ქუჩისა, იმოძრავებს: ფანჯიკიძის ქუჩა (ყოფილი პუშკინის ქუჩა) - წერეთლის ქუჩა - აღმაშენებლის გამზირი - გალაკტიონ ტაბიძის ქუჩა - წითელი ხიდი.

 

 N 19 -  ნაცვლად აღმაშენებლის მოედნისა და თბილისის ქუჩისა, იმოძრავებს:  წერეთლის ქუჩა - მანდარიას ქუჩა - სოლომონ პირველის ქუჩა - საფიჩხიის მოედანი.

 

 N 20 - ნაცვლად აღმაშენებლის მოედნისა, იმოძრავებს წითელი ხიდით.

 

 N6 და N 106 სატრანსპორტო საშუალებები, ნაცვლად აღმაშენებლის მოედნისა და ვარლამიშვილის ქუჩისა, იმოძრავებს დავით და კონსტანტინეს ქუჩით.

 

 N 3, N 41 და N 113 სატრანსპორტო საშუალებები, ნაცვლად აღმაშენებლის მოედნისა და ფალიაშვილის ქუჩისა, იმოძრავებს გურამ ფანჯიკიძის ქუჩით.

 

 N 126 - ნაცვლად აღმაშენებლის მოედნისა, იმოძრავებს  წითელი ხიდით.