საზოგადოება

: საზოგადოება; 16 თებერვალი 2022; გადასვლები: 2147

თამაზ მონიავა გარდაიცვალა

ქუთაისელი მომღერალი და პოეტი თამაზ მონიავა გარდაიცვალა.ინფორმაციას მეგობრები ადასტურებენ და მწუხარებას გამოხატავენ.

თამაზ მონიავა 1968 წელს დაიბადა.

ქუთაისელი კოლორიტი საკუთარ სახლში დილით გარდაცვლილი იპოვეს.გარდაცვალების მიზეზი უცნობია.

: საზოგადოება; 15 თებერვალი 2022; გადასვლები: 1110

რა ინფრასტრუქტურული პროექტები განხორციელდება 2022 წელს ქუთაისში?

ქუთაისის მუნიციპალიტეტი აქტიურადაა ჩართული "საპილოტე რეგიონების ინტეგრირებული განვითარების პროგრამის" განხორციელებაში. ამ ეტაპზე ქუთაისში 12 მილიონ ლარზე მეტი ღირებულების ინფრასტრუქტურული სამუშაოები მიმდინარეობს.

საქართველოს მთავრობის განკარგულებით, „2020-2022 წლების საპილოტე რეგიონების ინტეგრირებული განვითარების პროგრამის" ფარგლებში შერჩეული პროექტებიდან, ქუთაისში დაფინანსდა შემდეგი პროექტები :

1. მაჩაბლის ქუჩაზე ინფრასტრუქტურის მშენებლობა და მოწყობა.

2. დავით აღმაშენებლის მოედანზე მდებარე ცენტრალური შადრევანის რეაბილიტაცია.

3. რუსთაველის გამზირის და ლაღიძის ქუჩის კვეთაზე არსებული სკვერის რეაბილიტაცია.

4. აღმაშენებლის გამზირზე მდებარე 100 საფეხურიანი კიბის რეაბილიტაცია.

5. სააკაძის ქუჩაზე ინფრასტრუქტურის მშენებლობა და მოწყობა.

6. კუპრაძის ქუჩაზე ინფრასტრუქტურის მშენებლობა და მოწყობა.

7. რეზო ჭეიშვილის ქუჩაზე ინფრასტრუქტურის მშენებლობა და მოწყობა.

8. ილია ჭავჭავაძის გამზირზე (მოსწავლე-ახალგაზრდობის პარკის მიმდებარედ), საავტომობილო მოძრაობის უსაფრთხოების მარეგულირებელი ინფრასტრუქტურის მშენებლობა.

9. საზოგადოებრივი ტრანსპორტის გაჩერებების აღჭურვა ელექტრო საინფორმაციო ტაბლოებით.

10. ნიკეას ქუჩის მე-7 ჩიხის საგზაო ინფრასტრუქტურის რეაბილიტაცია.

11. ბუკიას ქუჩის საგზაო ინფრასტრუქტურის რეაბილიტაცია.

: საზოგადოება; 15 თებერვალი 2022; გადასვლები: 1021

შსს-ს თანამშრომლებმა ქუთაისში 35 წლის ქალი დააკავეს

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, დიდი ოდენობით თაღლითობის ბრალდებით, 1987 წელს დაბადებული დ.ს. მოსამართლის განჩინების საფუძველზე, ქუთაისში დააკავეს.

დანაშაული 6-დან 9 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებული ქალი, სხვადასხვა დროს, რამდენიმე მოქალაქის კუთვნილ დიდი ოდენობით თანხას - ჯამში დაახლოებით 50 000 ლარს თაღლითურად დაეუფლა.

გამოძიება საქართველოს სისხლის სამართლის კოდექსის 180-ე მუხლის მეორე მე-3 ნაწილის „ბ“ ქვეპუნქტებით მიმდინარეობს, რაც დიდი ოდენობით თაღლითობას გულისხმობს.

: საზოგადოება; 13 თებერვალი 2022; გადასვლები: 1406

ვანი-სულორის გზის ჩანგრეულ მონაკვეთზე დროებითი,ალტერნატიული გზა მოეწყობა

დღეს, გამთენიისას, ვანი-სულორის საავტომობილო გზის მე-7 მე-8 კილომეტრზე, გზა დაიმეწყრა და ჩაინგრა.

შემთხვევის შედეგად არავინ დაშავებულა.

უსაფრთხოების დაცვის მიზნით ადგილზე მობილიზებულია ,საპატრულო პოლიციისა და საგანგებო სიტუაციების მართვის სამსახურის,ვანის სერვის ცენტრის ეკიპაჟები.

ვანი-სულორის მიმართულებით გადაადგილება აკრძალულია, მაგრამ ადგილობრივ მოსახლეობას შეუძლია მუნიციპალიტეტის ცენტრს დაუკავშირდეს შემოვლითი გზებით.

კერძოდ: სულორის მოსახლეობას გადაადგილება შეუძლია გადიდი-ზედავანის დამაკავშირებელი შემოვლითი გზით,ძულუხის მოსახლეობას კი რომანეთი-საპრასიის დამაკავშირებელი შემოვლითი გზით.

აღნიშნულ მონაკვეთზე ხვალ დილიდან დიწყება დროებითი, ალტერნატიული გზის მოწყობა , რათა არ შეფერხდეს საავტომობილო მიმოსვლა , გზის სრულად აღდგენამდე.

შესაბამისი სამსახურები შეისწავლიან სტიქიის განვითარების მიზეზებს და ამის შემდეგ დაიწყება ვანი-სულორის დამაკავშირებელი საატომობილო გზის რეაბილიტაცია.

: საზოგადოება; 13 თებერვალი 2022; გადასვლები: 1329

ვანი-სულორის გზაზე მეწყრული პროცესი გააქტიურდა

შიდასახელმწიფოებრივი მნიშვნელობის ვანი-სულორის საავტომობილო გზის მე-7 კილომეტრზე მეწყერული პროცესების გააქტიურების შედეგად, ძლიერ დაზიანდა გზის სავალი ნაწილი, რის გამოც, აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა

ამ დროისთვის შესაბამისი სპეციალისტების მიერ მიმდინარეობს მონაკვეთის დათვალიერება და მდგომარეობის შესწავლა, რის შემდეგაც დაიგეგმება ავტოტრანსპორტის მოძრაობის აღდგენის დროებითი ღონისძიებები

გზის დანარჩენ მონაკვეთებზე ავტოტრანსპორტის მოძრაობა თავისუფალია.

: საზოგადოება; 13 თებერვალი 2022; გადასვლები: 1308

ქუთაისში რუსეთის მოქალაქის ცემის ფაქტზე არასრულწლოვანია დაკავებული

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქუთაისში მომხდარი ძარცვის ფაქტი გახსნეს, დანაშაულის ჩადენაში მხილებულია 2004 წელს დაბადებული ი.ო.

გამოძიებით დადგინდა, რომ მიმდინარე წლის 11 თებერვალს, ი.ო.-მ ქუთაისში, ილია ჭავჭავაძის გამზირზე, საქართველოში მყოფ რუსეთის ფედერაციის მოქალაქეს - 1991 წელს დაბადებულ ა.ბ.-ს, რომელიც არაფხიზელ მდგომარეობაში იმყოფებოდა, ფიზიკური შეურაცხყოფა მიაყენა, მობილური ტელეფონი გასტაცა და მიიმალა.

სამართალდამცველებმა ნაძარცვი მობილური ტელეფონი ნივთმტკიცებად ამოიღეს.

ძალადობით ჩადენილ ძარცვის ფაქტზე გამოძიება საქართველოს სისხლის სამართლის კოდექსის 178-ე მუხლის მე-3 ნაწილის „დ“ ქვეპუნქტით მიმდინარეობს.

დღის სიახლეები

საზოგადოება

Search