საზოგადოება

: საზოგადოება; 11 აპრილი 2023; გადასვლები: 989

აიარეთ სიყვარულის ასი საფეხური და იპოვეთ თქვენი გული-ფოტოსესია ქუთაისში

,, DMO imereti,,-ის ორგანიზებით 15 აპრილს,ქუთაისში ღონისძიება გაიმართება.

გავრცელებული ინფორმაციის მიხედვით, ,,სიყვარულის დღეს, 13:00 საათიდან - ბალახვანში, ასსაფეხურიან კიბესთან შთამბეჭდავი და მასშტაბური ფოტო სივრცე - ,,აიარეთ სიყვარულის ასი საფეხური და იპოვეთ თქვენი გული“.

გადაიღეთ სამახსოვრო ფოტოები და დღის განწყობა შეიქმენით პანტომიმის თეატრის მსახიობებთან ერთად.,,-DMO imereti.

: საზოგადოება; 11 აპრილი 2023; გადასვლები: 833

ქვათაცვენის გამო რიკოთზე მოძრაობა ისევ შეწყდა

რიკოთის უღელტეხილზე მოძრაობა ისევ აკრძალულია საავტომობილო გზების დეპარტამენტის ინფორმაციით,მიზეზი ქვათაცვენაა,რის გამოც გზის გაწმენდაა საჭირო.შესაბამისად(,ახალსოფლის სატრანსპორტო კვანძი-ზესტაფონი)ყველა სახის ავტოტრანსპორტის მოძრაობა დროებით აკრძალულია.

გზის სავალი ნაწილის გაწმენდამდე,მსუბუქი ავტოტრანსპორტის მოძრაობა განხორციელდება შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის გავლით, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია.

საავტომობილო გზების დეპარტამენტის ინფორმაციით, მოძრაობა გზის გაწმენდისთანავე აღდგება.

: საზოგადოება; 10 აპრილი 2023; გადასვლები: 985

ქუთაისში ავტობუსის დაჯახების შედეგად ქვეითი გარდაიცვალა

ქუთაისში მუნიციპალური ავტობუსი ქალს დაეჯახა, რომელიც ფეხით გადაადგილდებოდა. შემთხვევა ასათიანისა და ჭავჭავაძის ქუჩების კვეთაზე რამდენიმე წუთის წინ მოხდა.

დეტალებს შინაგან საქმეთა სამინისტროში ვარკვევთ.

: საზოგადოება; 09 აპრილი 2023; გადასვლები: 856

9 აპრილს დაღუპულ გმირებს ბაღდათის მუნიციპალიტეტში პატივი მიაგეს

ბაღდათის მუნიციპალიტეტის მერმა კახა ენუქიძემ, პირველ მოადგილე დავით სილაგაძესთან, საკრებულოს თავმჯდომარე ნოდარ გიორგიძესთან და ადგილობრივი ხელისუფლების წარმომადგენლებთან ერთად, სოფელ როხში მდებარე 9 აპრილის მემორიალი გვირგვინით შეამკო და საქართველოს თავისუფლებისთვის ბრძოლაში დაღუპულ გმირებს პატივი მიაგო.

მამა ზენონმა(ჯანელიძე) დაღუპულთა ხსოვნის მოსახსენიებელი პარაკლისი გადაიხა.1989 წლის 9 აპრილის

ტრაგედიიდან 34 წელი შესრულდა.

1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც მსხვერპლი მოჰყვა.

დარბევის შედეგად 21 ადამიანი დაიღუპა. ათობით ადამიანი დაშავდა და მოიწამლა.

: საზოგადოება; 09 აპრილი 2023; გადასვლები: 1049

ქუთაისში პატივი მიაგეს 9 აპრილს დაღუპულთა ხსოვნას

იმერეთში სახელმწიფო რწმუნებულმა ზვიად შალამბერიძემ, ქუთაისის მერმა იოსებ ხახალეიშვილმა და ადგილობრივი ხელისუფლების წარმომადგენლებმა, 9 აპრილის მემორიალი გვირგვინით შეამკეს და საქართველოს თავისუფლებისთვის ბრძოლაში დაღუპულთა ხსოვნას პატივი მიაგეს.

სასულიერო პირებმა დაღუპულთა ხსოვნის მოსახსენიებელი პარაკლისი გადაიხადეს.

,,საქართველო ბევრჯერ იყო დიდი განსაცდელის წინაშე და სწორედ ასეთი ადამიანების გმირობამ, რომელთაც დღეს ჩვენ პატივს მივაგებთ მოიტანა აქამდე, ისეთი როგორიც არის. იმ თაობამ ჩვენ დაგვიტოვა თავისუფალი და დამოუკიდებელი საქართველო. ჩვენი ვალია, ჩვენს მომავალ თაობებს შევუნარჩუნოთ მშვიდი და წარმატებული ქვეყანა” - ზვიად შალამბერიძე.

" 9 აპრილი უდიდესი მნიშვნელობის დღეა საქართველოსთვის. სიამაყით და სევდით აღვნიშნავთ ამ დღეს, ვიხსენებთ გმირებს, რომლებმაც საკუთარი სიცოცხლის ფასად მოგვიტანეს დამოუკიდებლობა და პატივს მივაგებთ მათ ხსოვნას.

მადლიერი ვართ ყველა იმ ადამიანის, რომელთა თავდადებამ და ერთსულოვნებამ განსაზღვრა ჩვენი ქვეყნის მომავალი და გაკვალა გზა თავისუფლებისკენ. საქართველო არასდროს დათმობს თავისუფლების და დამოუკიდებლობის იდეას!" - განაცხადა იოსებ ხახალეიშვილმა.

ქუთაისის ცენტრალურ ბულვარში 1989 წლის, 9 აპრილის მოვლენების ამსახველი გამოფენა გაიმართა.

9 აპრილს დაღუპულთა ხსოვნას იმერეთის 12 - ვე მუნიციპალიტეტში მიაგეს პატივი.