წუხელ გვიან ღამით ქუთაისში მოსულმა უხვმა ნალექმა ქალაქში პრობლემები შექმნა. დაიტბორა ქუჩები და საცხოვრებელი სახლების პირველი სართულები.
მდინარე ოღასკურას ადიდების გამო, დაიტბორა გარკვეული ტერიტორია,ასევე წყალი შევიდა სახლებში, დაზიანდა ქუთაისის იუსტიციის სახლის ინფრასტრუქტურა.
წვიმის შედეგად სხირტლაძის ქუჩაზე ხე წაიქცა და გზის სავალი ნაწილი ჩახერგა. ამ დროისთვის აღნიშნულ მონაკვეთზე მოძრაობა უკვე თავისუფალია.
წვიმის შედეგად დაიტბორა წერეთლის ქუჩაც,სადაც გაწმენდითი სამუშაოები ისევ გრძელდება. მოძრაობა უკვე აღდგენილია.
