,,აქ ცხოვრობს დავალებების შემსრულებელი ნაცი ჯაშუში,,-ეს წარწერა ქუთაისელი სამოქალაქო აქტივისტის,აკაკი საღინაძის სახლის ჭიშკარზე უცნობმა პირებმა გააკეთეს.
აკაკი საღინაძე ე.წ. ,,აგენტების კანონის,,მოწინააღმდეგეა და აქციებში აქტიურად არის ჩართული.
,,3 რამის თქმა მინდა.
ერთი- აქტივისტებმა არ მივბაძოთ ხელისუფლებას მოქმედების ფორმებით, რათა ხალხმა გაარჩიოს მოძალადის ხელწერა.
ორი- მომწონს იდეა, რომ აუქციონზე გავყიდოთ ეს ჭიშკარი
მესამე- ვეძებ მხატვარს, ვინც ევროკავშირის დროშის ფერებში შეღებავს ჭიშკარს.,,-წერს აკაკი საღინაძე.
მას სოლიდარობას უცხდებენ საზოგადოების წარმომადგენლები.
,,კანონს რომ მიიღებენ შემდეგი ნაბიჯი ამ იარლიყების მიკვრაა! გამზადებული აქვთ და ვერ მოითმინეს რომ არ გამოეფინათ.
ამიტომაა ნაადრევი ზეიმი და მილოცვები! ,,-ქეთი დეისაძე, სამოქალაქო აქტივისტი.
,,ჩემი მხარდაჭერა აკაკი საღინაძეს,რომელიც არ იმსახურებს ამ წარწერას იმის გამო რომ აქციას მართავს ქუთაისში და ეწინააღმდეგება რუსულ კანონს. სირცხვილი ამის ჩამდენს და ამ დანაშაულის ირგვლივ გაჩუმებულ მხარეს.,,-ლიკა მხატვარი, ,,ხიდი სოციალური ინკლუზიისთვის,, დამფუძნებელი.
