ჟურნალისტი დეა მანაგაძე ქუთაისი-გეგუთის გზაზე,ავტობანის მიმდებარედ გზის პირას მოსახლეობის მიერ სამშენებლო ნარჩენების დაყრას აპრიტესტებს.
,,ნახევარი საქართველო ემიგრაციაშია, ვინც დავრჩით ნაგავში ვართ ყელამდე.
რატომ აკეთებთ ამას, რატომ აძლევთ თავს უფლებას, სახლიდან გამოყაროთ ნაგავი, თავზე დაგვაყაროთ და თავად ევრორემონტში იცხოვროთ?
გარემოსდაცვითი ზედამხედველობის დეპარტამენტი რატომ არ აღკვეთავთ ამ თავაშვებულ უმსგავსობას? რატომ არ გინდათ მოქალაქეები აცხოვროთ ჯანსაღ და სუფთა გარემოში, ქვეყანაში შემოსული ტურისტის მაინც შეგრცხვეთ სოკოებივით მომრავლებული ნაგავსაყრელების გამო.
ფოტოები დღევანდელია. ქუთაისი-გეგუთის გზაზე გადავიღე, საიდანაც ავტობანს ვუერთდებით. შესაბამისად, ამ გზით უამრავი სტუმარი სარგებლობს. ცალკე თემაა ნიკეას ნაგავსაყრელი. იქ სრული კატასტროფა ხდება.
რა თქმა უნდა, ფოტოები მცირედია იმ რეალობისა, რაც ქუთაისის სხვა შემოსასვლელებში ხდება. სირცხვილია, ძალიან სამარცხვინოა და ასე გაგრძელება არ შეიძლება.,,-წერს დეა მანაგაძე სოციალურ ქსელში .
