""ეს თარიღი-26 აპრილი არის ჩერნობილის ტრაგედიის დღე.ეს ყველაზე უფრო დიდი ატომური კატასტროფა იყო მსოფლიოში. საქართველოში ცხოვრობს ბევრი ადამიანი, რომელებიც იყვნენ ჩერნობილში , მუშაობდნენ იქ,რადიაციაში.მათ  გადაგვარჩინეს, რომ რეაქტორი არ აფეთქებულიყო. ამ ადამიანებმა , გააკეთეს ყველაფერი რასაც ავალებდნენ და ყველაფერი, რაც შეეძლოთ. მინდა სამადლობელი სიტყვები ვთქვა, რომ ჩერნობილის გმირებს არ ივიწყებთ, ისინი მართლაც ნამდვილი გმირები არიან"-განაცხადა ელჩმა.

 

 1986 წლის 26 აპრილს უკრაინის ტერიტორიაზე მდებარე ჩერნობილის ატომური ელექტროსადგურის მეოთხე ბლოკმა ავარია განიცადა.

ეს იყო ბირთვულ მოვლენათა საერთაშორისო შკალით მეშვიდე  დონის ერთადერთი შემთხვევა ისტორიაში. ბირთვული აფეთქების შედეგად რეაქტორი მთლიანად დაინგრა, რამაც მისი მიმდებარე ვრცელი ტერიტორიის რადიოაქტიური დაბინძურება გამოიწვია. ის შეფასებულია, როგორც უდიდესი ავარია ატომური ენერგეტიკის ისტორიაში, როგორც დაღუპულთა და მისგან დაშავებულ ადამიანთა რაოდენობით, ისე ეკოლოგიური დაბინძურებითა და  ეკონომიკური ზიანით.

დაბინძურებული ზონიდან ევაკუირებული იყო დაახლოებით 200 000 ადამიანი.